Helauni Kik Pujama Rek Seangkonan

Bangik sakikni sangon mak kik terasa kik dilom baron daleh pujama, sinji sangon lehotni andung rek datuk tumbai, sebenorni mak dapok titoko istilah tian tumbai mani radu jelas tian tumbai sangon marukun daleh seangkonan, wat istilah tumbai " Mindai " sai retini walaupun mawat ngedok hubungan rah kidang gegoh puari nihan, kidang sai mareregi lalegoh lebon jak angon jalma tano induh api musababni sai pasti . 

UDO. DWI YULI KARYANTO

Tumbai kung lancar ranglaya, daleh mutor rek mubil kung malamon, malah dapok ticawako keramikan jalma sakruiji lagi makung dapok mabangik ngaliak mik luar pekon kuk ranglaya kung dapok tisirang injuk tano . Datuk rek andung kik nyilau anak umpu maseh lapah cukut kemak cakak kertangin sambil ngusung bakul kemak liung, bakul pakai ngusung peratong jama anak umpu, induh ano bias, ketupak, lansak, kemak duku daleh iwa tang manggang, rang singgah saheh melamon nihan semakung sampai rangni anak umpuni . sehinggoni mak tinggal minak muari tisinggahi . 

Lain muneh tano, induh repa bang dapok tihanyut rek lupa lambani minak muari, induh muneh api sebabni bang juk sinji tano, jalma krui selamoni lagi wat hubungan sang muarian sebenorni, mak jak unggak , mak jak dohni saheh wat hubungan kemuarian. Nyak anggak buangangon cutik bang dunia medantar malah neram sunyini mak dapok rutin silaturahmi, payu kik sai sangon dirantau gelarni nyepok kahurikan daleh peratong kak mati kanah, kidang payu kalau kak buka dapok satunggaan . 

Reno dia cutik angonku bingiji , kakalau ram dapok ngebacani barong, rek kalau mawat jadi angon sai mak mahelau jama ram kauyini . SALAMKU JAMA PUARI, MINAK MUARIKU KAUNYINI " SA KRUI SUNYINI DIDIPA KETI TANO, KILU MAHAP KIK SALAH DISEKAM .